Бізбен байланысыңыз

Сәлем, сіз не іздеп жүрсіз?

Жаңалықтар

Түркістанда жасалған жолдар 5 миллиардты “көтере” алмауда

Түркістан қаласында былтыр жөндеуден өткен жолдар бүгінде адам шошырлық халге жеткен. Пайдалануға берілгеніне 5 ай толмай жатып, қала ішіндегі жаңа жолдардың сиқы қашқан.

2020 жылы Түркістанда 81 көше орташа жөндеу көрген. Осылай деп қала әкімі Рашид Аюпов биыл халыққа есеп берген. Алайда Отырар мөлтек ауданы көшелеріндегі жолдарда көліктер жүріп болмайды. Асфальт беттері әр жерден ойылып жатыр. Бұл жағдай көлік тізгіндегендердің наразылығын тудырып отыр. Қала ішіндегі ойық жолдардың кесірінен көліктердің өгізаяңдап қозғалуына тура келеді.

Қазыбек би көшесі

Ал 10,5,7 нөмірлі автобустарға тіпті обал. Автокөліктер рұқсат етілген жылдамдықпен жүре алмайды. Жер астына түскен жолдар көлік апатына себеп болуы да мүмкін. Адам өміріне де аса қауіп тудырып отыр.

Президент Қасым-Жомарт Тоқаев жол сапасын сынға алып, жергілікті әкімдіктерге, құқық қорғау органдарына тапсырма берген болатын. Сапасыз жолдарға мемлекет қаржысының жұмсалмауын бақылауды тапсырған.

Президент әкімдердің үлкен міндеті – жол қауіпсіздігін қамтамасыз ету екендігін баса айтты. Алайда Түркістан жолдары үңірейіп, қазылған «окопқа» ұқсап тұрғанда, әкімдік тұрғындардың, көлік жүргізушілерінің жол қауіпсіздігіне 100 пайыз кепілдік бере алмасы анық.

М.Абенова көшесі

Әкімдік уәдесі былай тұрғанда міндетін орындайтын болса, автокөлік жолдарының сапасына жіті көңіл бөлетін бе еді? Рашид Аюповтың қаладағы құрылыс жұмыстарының сапасын бақылағанда не көргені өзіне және құдайға аян.

М.Абенова көшесі

Былтыр Түркістан қаласындағы 81 көшенің орташа жөнделуіне 5 миллиардтан аса қаржы кеткен. Президент Тоқаев 2020 жылы республикалық бюджеттен жол жөндеуге 50 миллиард жұмсалғанын айтқан. Демек, қала әкімдігі еліміз бойынша жолдарды ретке келтіруге бөлінген бюджет қаржысының 10 пайызын Түркістандағы 81 көшеге жұмсаған. Жолдарды жөндеуден өтті деп айтуға ауыз бармайды. Түркістандағы жолдар ендігі құрылысты қайта қажет етеді. Осылайша мемлекет қаржысы сапасыз жолдар салуға тиімсіз жұмсалып жатыр.

«Жаңа Түркістан» газеті алдағы уақытта облыс орталығында жөндеуден өтіп, Президент айтқандай «жыл болмай, жарамсыз қалған» сапасыз жолдарды назарларыңызға ұсанатын болады. Сондай-ақ Түркістан қаласы әкімдігінің жол бойынша жасаған жұмыстарын бақылауына алады.

You May Also Like

Денсаулық

Облыс орталығынан қырық шақырым жерде орналасқан Абай ауылы тұрғындарының бүгінде көңілі алаң. Мың жарым адамға жетер-жетпес халқы бар ауылдың негізгі күнкөріс көзі – ауыл...

Жаңалықтар

Нұртас Адамбайдың «Әкім» деген киносын көрген боларсыз? Күлдіріп тұрып жылататын фильм. Ауыз суға, жолға жарымайтын ауыл тұрғындарының ащы тұрмысын көрсеткен туынды аз уақыттың ішінде...

Денсаулық

Ақ халатты абзал жандардың барлығына бүгінде әлем мұқтаж. Жыл басынан бері кесапат болып жабысқан кеселдің жалғыз құтқарушысы да – өздері. Ел басына күн туғанда...

Жаңалықтар

Түркістан облысы әкімі аппарат басшысының орынбасары болып Ғани Рысбеков тағайындалды.