Көрші Ордабасы ауданы әкімдігі Жеңіс күніне орай, соғыс ардагеріне көлік мінгізді. Ал Түркістан қаласы әкімдігі Отан үшін от кешкендердің ерлігін қала сыртында насихаттауды ұйғарыпты.
Түркістан-Кентау тас жолы бойындағы билбордтарға соғыс ардагерлерінің суреті ілінген. Өкініштісі сол, әкімдік қала орталығындағы тақташаларды батырларға арнауға қимаған.
Бекзат Саттарханов даңғылы бойындағы LED-экрандар мен тақташаларда газоблок секілді жарнамалар өріп жүр.
Отан үшін өмірін қиған ерлерге қала орталығындағы билбордтардан орын табылмағаны қалай?
Әлде бетон секілді жарнамалардан түскен қаражат түркістандық қаһармандардың өмірінен артық болды ма? Ең болмағанда, бос орындарда 5-10 күн тұрса да Ұлы Отан соғысы ардагерлерін насихаттауға болар еді.
Бұл – Түркістан қаласындағы идеологиялық жұмыстардың нашарлығын білдіреді. Осылайша Отан қорғағандардың ерлігі ел назарында емес, тасада қалып отыр.
