Бізбен байланысыңыз

Сәлем, сіз не іздеп жүрсіз?

Жаңалықтар

Түркістандағы тұрғын үйлер жылу маусымына толық дайын емес

Түркістан қаласында жылу қазандықтары іске қосылды. Алайда жиырмаға жуық көпқабатты тұрғын үйлер жылуға жарымай отыр. Қала ішін толық жылумен қамтамасыз ету туралы қаулы бекітілсе де, 1 және 2-ші мөлтек ауданындағы көпқабатты тұрғын үйлер рахатын көрмей отыр.

Күз келіп, күн суыта бастаған уақытта жылуды сарыла күтетіндер көпқабатты үйдің тұрғындары. Себебі басқалар сияқты өз бетінше әрекет ете алмай, үкімет тарататын жылу қазандықтарына тәуелді болады да қалады. Қала әкімдігі Түркістанға жылу жүйесін жіберу туралы арнайы қаулы бекітті. Тиісінше тұрғындар жаппай жылумен қамтылуы тиіс болатын. Алайда 1 және 2-ші мөлтек аудан тұрғындарының жылуға байланысты айтар шағымдары аз емес. №24, №3, №22, №20, №11, №9, №5, №7, №8, №10, №13, №14, №16, №21, №23, №3, №2 көп қабатты тұрғын үйлер жылудан құр қалып отыр. Тұрғындар жыл сайын жұрт қатарлы жылуға қосыла алмай әуре болатынын айтты. Биыл шешімі болады деп күткен жылудың жыры әлі де жалғасын тапқанына қынжылады. Ең жаманы көрші тұрған пәтерлер жылу жүйесіне қосылып, рахатын көріп жатқанда өздерінің көрпе жамылып, қалтырап отырғандарына ызалары келетінін жасырмады.

Бірінші мөлтек ауданындағы тұрғындар ПИК (пәтер иелері корперативі) қызметкерлері күн суыта бастаған уақытта құрал-саймандарын арқалап, жертөледегі құбырларды кесуге кірісті дейді. Тұрғындардың сөзіне сенсек, көктемнен бері жөндеу жұмыстары жалғасып келеді. Жылу берілетін мерзім жеткенде жылу құбырларын кесіп тастап қайтадан жаңалайтындығын айтқан көрінеді.

1-мөлтек ауданындағы 48 үйдің қауіпсіздігіне жауап беретін ОҚО үйлерді басқару мекемесінің басшысы Жұмабек Исмайлов аталған мәселер бойынша сұрау алған болатынбыз. Ол тұрғындардың шағымы бойынша ешқандай құбырларды кесіп жатпағандығын, керісінше жарамсыз кейіпке түскенді жөндеуден өткізетінін алға тартты. Биыл сәуір айынан бастап осы жауапкершілікті мойнына алған мекеме бүгінге дейін пәтерлерді толығымен жылуға дайындай алмаған. Тұрғындардың қытығына тиіп отырғаны да тақалған уақытта құбырларды жаңалап, дер кезінде әрекет ете алмаған мекеменің жұмыстары. Нәтижесінде жиырмаға жуық көпқабатты үйдің тұрғындары жылу жүйесі іске қосылса да, жылына алмай көрпе жамылып отыруға мәжбүр.

Ал «Инфрақұрылым және коммуникациялар бөлімі» басшысы Н.Бектурсынов жылу жүйелері іске толық қосылмастан бір күн алдын тесттік режимде бірнеше пәтерге жылу жіберілгенін мәлімдеді. 1 және 2-ші мөлтек ауданында 75 көпқабатты үй болатын болса, оның қырық біріне алдын ала тексеру жұмыстары үшін жылу жіберілген. Сынақ нәтижесінен кейін аталмыш көпқабатты тұрғын үйлер тұрақты түрде жылумен қамтамасыз етілуі тиіс болатын. Бірақ жоғарыда аталған мөлтек ауданда жиырмаға жуық үйлер жылу жүйесі қосылса да, жылына алмай әлек.

Пікір жазу үшін басыңыз

Leave a Reply

Your email address will not be published. Required fields are marked *

You May Also Like

Денсаулық

Облыс орталығынан қырық шақырым жерде орналасқан Абай ауылы тұрғындарының бүгінде көңілі алаң. Мың жарым адамға жетер-жетпес халқы бар ауылдың негізгі күнкөріс көзі – ауыл...

Жаңалықтар

Түркістан өңірінің танымал ақсақалы, мемлекетіміздің дамуына өлшеусіз үлес қосқан Қоғам қайраткері, Түркістан қаласының «Құрметті азаматы» – Мырзан Ханділлаев 78 жасында өмірден озды. Ел азаматының...

Жаңалықтар

Түркістан қаласы әкімі Рашид Аюпoвтың назарына!

Жаңалықтар

Түркістан облыс орталығы атағын иемденіп, қала ішіне жаңашыл бағыттағы идеялар легі іске аса бастады. Қала кіреберісінен толық көмкерілген әдемі гүлзарлар мен саябақтар көне шаһардың...